Húsvörður frá Helvíti!! (Pirrrrrrblogg)

Hæ, ég heiti Íris og bý í Engihjallanum, í einni af stóru blokkunum. Stundum leyfir yfirmaður minn mér að taka vinnubílinn heim. þegar það hendir þá legg ég honum á bílastæðinu fyrir framan blokkina. Stundum fæ ég nú ekkert spes stæði, sérstaklega ekki ef ég kem heim seint á kvöldin. En í gær var ekki sá dagur, ég kom heim um 01 í gær og fékk stæði alveg við mína blokk, og var rosalega glöð með það. Fór og stillti vekjaraklukkuna þar sem ég á að mæta í vinnu kl 14 á morgun.
Svo í morgun kl 10.30 vakna ég við að einhver er að hamast á dyrabjöllunni minni, og þá meina ég hamast, það er svona hljóð í henni eins og í gamaldags vekjaraklukku og takkanum var haldið inni í 10 sekúndur og ég náttlega hendist á fætur og í dyrasímann:
Ég: Halló (mjög svefnlega)
Húsvörður: (lesist með denskum hreim) Þú átt að færa bíl þinn.
É: Nei ég lagði honum á réttum stað.
H: Átt þú ekki rauða renauinn?
É: Jú, og hann er löglega lagður.
H: þú átt að færa hann!
É: Nei.
H: Jú, Það er hreinsunardagur og þú átt að færa hann
É: OK.

Ég fer út og set bílinn í annað stæði en er samt enn á planinu. Einhver kona spyr mig hvort að ég hafi verið að færa bílinn og ég segji já. Og þá segir hún að ég þurfi að færa bílinn í burtu af planinu og spyr nú? Og hún segir spurðu húsvörðinn.
Ég fer inn og ætla að reyna að sofna en það tekst náttlega ekki enda skín sólin skært beint á gluggann minn. Ég ákveð að vakna bara frekar og drífa mig eitthvert út í góða veðrið, en samt ætla ég að blogga smá fyrst.
þá glymur dyrabjallann... Og ég ákveð að svara ekki þar sem ég er að fara út eftir smá. Og síðan þá er hann búinn að hringja bjöllunni og banka á hurðina hjá mér reglulega!!!! Pælið í geðsjúklingi!!
Málið er að mér finnst að sjálfsögðu ekkert mál að færa bílinn en ekki þegar það er talað svona við mig. Hann hefði getað verið miklu kurteisari og bent mér á það að það væri hreinsunardagur og hvort ég væri ekki til í að færa bílinn. Ekkert mál ég skal færa hann. Hann sagði mér ekki einu sinni hvar ég ætti að leggja honum þegar ég væri búin að færa hann!!!
Mér er skapi næst að hringja á lögregluna og kæra hann fyrir áreiti. Og það besta er að hann getur ekki látið draga hann í burtu því bíllinn er ekki ólöglegur!
Ég er búin að vera í svona 20 min að setja saman þetta blogg og hann er enn að banka og hringja dyrabjöllunni!!!
Hvað ætli þetta sé fjölmenn blogg það eru kannski svona 6 eða 7 íbúðir á hæð og um 8 hæðir held ég og hann bara veit hvar ég bý og hvaða bíl ég keyri!! Talandi um að taka skyldur sínar sem húsvörður aðeins of alvarlega!!!